Sinau Iklan

IKLAN 

APA IKU IKLAN?

Iklan yaiku kegiatan nyukani informasi bab barang uga jasa ingkang migunakake media massa online utawi offline. Wonten jinis iklan ingkang sae uga kirang sae. Tegese iklan sae niku saged suka pitulungan, ngenthengake wrat repote bebrayan. Dene iklan ingkang kirang prayogi niku iklan ingkang kadosipun ngentheng ngenthengake sanggen ananging pancenanipun suwalike nglintu nekek gulu. Iklan niku mujudake warta utawi pesen kunjuk njurung utawi mbujuk dhateng bebrayan supados tumbas utawi ngginakaken barang ingkang dipuntawekaken. Lumantar medhiane iklan niku saged kagolong dados kalih yaiku, iklan lisan uga iklan serat. Iklan serat saged awujud pamflet,poster,baliho, saged ugi kacethak ing ariwanti utawi kalawarti. Dene iklan lisan padatan kagiyarake lumantar medhia elektronik kayate TV uga radhio.

UNSUR UNSUR IKLAN

a.      Jeneng barang utawa jasa kang ditawakake.

b.      Pihak utawa pawongan kang masang.

c.       Alamate sing masang.

d.      Kahanan sarat manfaat barang utawa jasa kang ditawakake.

TITIKANE BASA IKLAN

•    Migunakake slogan.
•    Ukarane persuasi utawa mbujuk wong liya.
•     Migunakake subjek wong kapisan.

NULIS TEKS IKLAN

Iklan dipunbetahaken supados tiyang benten ngertos barang ingkang dipuntawakaken. Caranipun ndamel iklan ingkang sae kedah mirengaken babagan ing ngandhap niki yaiku:

a)  Sing dituju kudu cetha.

b)  Sing ngirim kudu cetha.

c)   Barang utawa jasa sing ditawake kudu cetha.

d)  Narik kawigaten sing maca.

e)   Nuwuhake rasa pengin tuku saka sing maca.

f) Nuwuhake rasa pengin nduweni barang sing ditawake.

g)   Bisa nggawe sing maca tuku barang sing ditawakake.

h)   Nggunake slogan utawa sesanti kang gampang ditampa lan dieling-eling.

CARANE NULIS IKLAN

1.    Tentokna ancase iklan (nawakake barang utawa jasa)
2.    Gawe cengkorongan kang dumadi saka unsur-unsure pawarta (jeneng barang utawa jasa sing gawe iklan,alamat,kahanan utawa manfaat) 
3.  Narembakake cengkorongan dadi iklan kang wutuh, nganggo basa kang prasaja, cekak, menthes, cetha, sopan uga narik kawigaten.

NYUGAHAKE TEKS IKLAN
Maos teks iklan tegese nyukakaen informasi dhateng tiyang benten. Supados isinipun saged dipuntampi kanthi wetah dening panyemeng,saenipun mirengaken babagan ing ngandhap yaiku:    

-  Paham isine iklan. Kalebu basa, uga pangucape tembung kang rinakit ing teks iklan.

 -      - Swara sarta pangucaping tembung kduu cetha lan trep.

 -      - Menawa awujud pacelathon kudu njumbuhake karakter paraga kang digambarake.

Sumber :

Gegaran Nyinau Basa Jawa 2 Kelas XI SMA/SMK/MA

-