Sinau Sesorah

SESORAH

APA IKU SESORAH

Sesorah iku tembung liya saka pidhato. Pidhato iku medharake gagasan sarana lesan ingkang ditujuoakake marang wong akeh/bebrayan. Akeh tembung kang maknane padha karo sesorah antara liya tanggap sabda, tanggap wacana, medhar sabda, sabda tama, lan liya-liyane. Sanajan tegese padha, tembung-tembung mau kudu patitis anggone ngepasake. Kudu cocog karo unggah-ungguhe.

PERANGAN SESORAH

1)      Irah-irahan

2)      Salam pambuka
3)      Pakurmatan
4)      Purwaka basa utawa pambuka
5)      Wos utawa isine sesorah
6)      Andharan wose sesorah (yen prelu)
7)      Pangarep-arep (pangajab)
8)      Wasana basa utawa panutup
9)      Salam panutup

METODE MAOS SESORAH

a.      Sesorah kanthi cara apalan

Sesorah menika dipunayahi kanthi damel seratan teks pidhato langkung rumiyin lajeng dipunapalaken tembung-tembungipun ngantos ukaranipun persis kaliyan teks kala wau. Adhakanipun, menawi apalanipun wonten ingkang supe, lajeng saged ndadosaken supe sanesipun. Pramila cara menika asring dipunginakaken dening lare-lare ingkang nembe gladhen utawi ajar.

b.      Sesorah kanthi cara maos naskah utawi teks

Sesorah kanthi maos naskah utawi teks menika juru pamedhar sabda saestu mbekta naskah pidhato lajeng dipunwaos sawetahipun, mboten dipunapalaken.

c.       Sesorah kanthi cara dadakan/impromptu

Sesorah cara dadakan menika cara pidhato ingkang mboten kanyana-nyana saderengipun. Menawi satunggaling paraga badhe dipun-aturi ngayahi pidhato kanthi dadakan ing sawijining acara mila lajeng dipun-aturi pidhato ngaten kemawon.

d.      Sesorah kanthi cara ekstemporan

Sesorah cara ekstemporan inggih menika juru pamedhar sabda ngasta cathetan alit minangka gaman utawi pengemut-emut urutaning ingkang badhe dipungendikaken.

SYARAT-SYARAT MAOS SESORAH

1.      Patrap utawi sikap

Solah bawa utawi tindak-tanduk ingkang prasaja, menapa wontenipun, mboten dipundamel-damel.

2.      Busana lan ngadi sarira

Nalika nindakaken ayahan sesorah, busananipun lan ngadi sariranipun pamedhar sabda kedah dipunlarasaken kaliyan kawontenan.

3.      Basa lan sastra

Basa ingkang gampil dipuntampi utawi basa komunikatif tuwin trep utawi pas yaiku:

a.      Sinten ingkang gineman

b.      Sinten ingkang dipunajak gineman

c.       Sinten ingakang dipunginemaken

d.      Swasana nalikanipun gineman

e.      Sami mangertosi ingkang gineman

SIPAT SESORAH

a.      Miturut tujuan

·        Sesorah pambagyaharja

·        Sesorah mamitaken jenazah

·        Sesorah ngarahaken sawijining bab ing pakempalan

·        Sesorah ngresmekaken

·        Sesorah pamedhar sabda

·        Sesorah palapuran

b.      Miturut isi lan basa

·        Sesorah ringkes lan prasaja

·        Sesorah rowa lan rinengga

·        Sesorah populer

·        Sesorah ilmiah

·        Sesorah mligi utawi umum

Sumber :

Gegaran Nyinau Basa Jawa 2 Kelas XI SMA/SMK/MA

https://edusiana.com/materi-bahasa-jawa-sesorah/&hl=id-ID